Vi skal bli den beste fagorganisasjonen av alle for alle

Vi trur på fridom, likskap og solidaritet

Vi lovar å gje hjelp når medlemmane treng det

Vi er inkluderande og aktive lokalt

Vi har eit sterkt lag der vi gjer kvarandre gode, drar i same retning, framelskar ulikheitar, er inkluderande og vi har det kjekt saman.

Fagforbundet Sogn og Fjordane organiserer 8195 medlemer pr. 22.10.2010, som sørgjer for at kvardagen din fungerer. Våre medlemer arbeider i kommunale, fylkeskommunale og private verksemder, i helseføretak, kommunale føretak,  i barnehagane og i kollektivtransporten.

Fagforbundet vart etablert 17. juni 2003 da Norsk Kommuneforbund og Norsk Helse- og Sosialforbund slo seg saman til eit nytt storforbund. Fagforbundet er det største forbundet i landet med over 316.000 medlemar.

For deg som arbeidstakar representerer Fagforbundet tryggleik i ei tid der arbeidsløysa aukar. Vi kjemper på di side - for betre lønn og tryggare arbeidsvilkår.

Fagforbundet Sogn og Fjordane er ein av 19 fylkesorganisasjonar i Fagforbundet.

Namnet Fagforbundet
Namnet Fagforbundet signaliserer styrke, samhald, solidaritet og omtanke. Som Noregs største fagorganisasjon kan vi gjere dette namnet til vårt. Vi er ein maktfaktor både innan fagrørsla og i samfunnet elles. Kampen for å ta vare på det offentlige tenestetilbodet er ein av dei viktigaste sakene.

Vil du bli med i Fagforbundet?

Vil du melde deg inn i Fagforbundet Sogn og Fjordane - eller vite meir om oss?

Ta kontakt med våre lokale fagforeiningar eller ring fylkeskontoret 57 72 18 30